sunbath_web_banner_size_L.jpg

「Sunbath Store 晨本商店」,日式生活選物網店,為你全球搜羅心水正貨,糧油雜貨,生活用品,精品文具,汽水零食,近千樣貨品,生活細節一應俱全,買滿$499仲免運費,等你安坐家中享受生活。

謀生再忙,都應該留下時間來感受生活;
環境再難,都願有方法去重新接納呢個世界。

希望呢一間小店,可以將一啲平日欣賞既、有溫度既品牌、食品、生活雜貨推介俾大家;
互相提醒,互相共勉。

 
​關於晨本商店
​店長的話

大家好,我係店長Alex。我細細個就有好多興趣,跆拳、籃球、彈琴、唱歌,但就同多香港人一樣,畢業後選擇做一個朝九晚六嘅打工仔。

直至2020年,世界嘅荒謬加上工作壓力令我患上抑鬱症,期間諗過移民台灣,去第二個地方重新開始。但移民過程遇到好多阻礙,我開始諗,生活應該係好多元,既然可以係其他地方重新開始,點解唔喺香港試一次?就係呢一個念頭,我決心裸辭,離開發展多年嘅銀行界工作,離開comfort zone。

我好希望透過做自己喜歡嘅事,去搵返真正嘅自己。 

喜歡音樂,所以開立「Sunbath Music 晨本音樂」channel分享音樂,同時參與各類音樂演出繼續探索;
想回饋社會,所以創立『陽光跆拳道計劃」向低收入家庭兒童義教跆拳道;
希望有尊嚴地謀生,所以創立呢間「Sunbath Store 晨本商店」,搵黎世界各地美食、生活雜貨,將鍾意嘅品牌、貨品推介俾香港人。

「晨本」係我爸爸幫我改嘅新名號,寓意「晨光一線,本之初現」,我希望使用呢個新名去展開新生活,即使環境再艱難,都有方法重新去接納呢個世界。

Alex Leung.jpg

Alex Leung